SDM juohká stáhtadoarjagiid ruoŧa- ja sámegielalaš bálvalusaid ovdánahttima doarjuma várás

Sosiála- ja dearvvašvuohtaministeriija juohká stáhtadoarjagiid Sámi (Lappi), Länsi-Uusimaa ja Varsinais-Suomi buresbirgenguovlluide ruoŧa- ja sámegielalaš bálvalusaid doarjuma várás ja guovttegielalaš buresbirgenguovlluid ovttasbargosoahpamuša koordineremii oktiibuot 580 000 euro. Doarjjaohcan lei jođus 16.12.2021-10.1.2022 ja stáhtadoarjaga geavahanáigi lea 1.1.-31.12.2022.

Ráđđehusa ovdanbuktojupmái (HE 241/2020 vp) gullevaš sosiála- ja dearvvašvuohtafuolahusa lága  (612/2021) 33 § mielde Länsi-Uusimaa buresbirgenguovllu bargun lea doarjut ruoŧagielalaš sosiála- ja dearvvašvuohtafuolahusa bálvalusaid ovdánahttima oba riikkas. Sámi (Lappi) buresbir-genguovllu bargun lea doarjut sámegielalaš sosiála- ja dearvvašvuohtafuolahusa bálvalusaid ovdánahttima oba riikkas. 

Sosiála- ja dearvvašvuohtafuolahusa ordnemis addojuvvon lága 39 § mielde guovttegielalaš bu-resbirgenguovllut fertejit dahkat ovttasbargosoahpamuša ruoŧagielalaš gielalaš rivttiid ollašuhttima dorvvasteami várás sosiála- ja dearvvašvuohtafuolahusas, ja Varsinais-Suomi buresbirgenguovllus lea ovddasvástádus namuhuvvon ovttasbargosoahpamuša ráhkadeami koordineremis.  

Fidnuid ulbmilin lea fuolahit das, ahte Sámi (Lappi), Länsi-Uusimaa ja Varsinais-Suomi buresbir-genguovlluin lea válmmasvuohta ollašuhttit dán lágain ásahuvvon barggu. Fidnuid bearráigeahččin doaibma sierraáššedovdi Antti Kuopila.

Lassidieđut

Antti Kuopila, sierraáššedovdi, sosiála- ja dearvvašvuohtaministeriija 
0295 163 516, ovdanamma.sohkanamma(at)gov.fi